الرجولة

بسم الله الرحمن الرحيم

الرجولة أكثر من كلمة ليها كام معنى يتحكي في كام سطر وخلاص , الرجولة لو فكرت أتكلم عنها بكل ما فيها مش هيكفيني كام مليون سنة , و بالطبع مفيش إنسان كامل الأوصاف لإن الكمال مش من خصائص البشر , الكمال لله وحده لا شريك له , و الفرق كبير جدا بين الرجل و الذكر , فالذكر هو مجرد إنه مكتوب في شهادة الميلاد أو البطاقة "ذكر" يعني تقدر تقول "راجل على الورق" أو بمعنى اصح "راجل فالصو" , أما بالنسبة للرجل فده موضوع كبير هنشرح فيه أهم النقط بس لإن خصائص الرجولة كتير أوي صعب نعدها .

إذا واحد فينا حب يشوف نموذج للرجل بكل ما تحمل الكلمة من معاني فأنا متأكد إنه مش هيلاقي خير نموذج للرجل أحسن من الرسول صلى الله عليه و سلم , و لو حد ذكر أي صفة من صفات الرجل أكيد هيلاقيها من صفات الرسول صلى الله عليه و سلم .

و ربنا سبحانه و تعالى لما ذكر كلمة رجال في القرآن الكريم , في آيتين معضمنا عارفهم , الآية الأولى : "من المؤمنين رجال صدقوا ما عاهدوا الله عليه فمنهم من قضى نحبه و منهم من ينتظر و ما بدلوا تبديلا"(الأحزاب 23) , و الآية دي بتتكلم عن أهمية الوفاء بالعهد , اللي هو المفروض إنه من أهم صفات الرجل , و الآية الثانية : "رجال لا تلهيهم تجارة و لا بيع عن ذكر الله و إقام الصلاة و إيتاء الزكاة يخافون يوما تتقلب فيه القلوب و الأبصار (37) ليجزيهم الله أحسن ما عملوا و يزيدهم من فضله و الله يرزق من يشاء بغير حساب (38)" (النور) , و الآية دي بتتكلم عن إن الراجل لازم إن مفيش حاجة تنسيه الصلاة والزكاة سواء إن كان مشغول في الشغل أو حتى في أي وقت أو أي مكان , و ده لإنه بيخاف من ربه و بيتقيه , فإذا التزم بالصلاة و الزكاة و خاف ربه , فربنا بيجازيه ثمن الالتزام ده بالرزق , و الله يرزق من يشاء بغير حساب , و غيير كده في صفات كتير ممكن نذكرها بس يمكن أهمها :

(1) القدرة على تحمل المسئولية , (2) التحكم في النفس في وقت الغضب , (3) الشجاعة , (4) العفو عند المقدرة , (5) المساواة في المعاملة يعني ميجيش في بيته يشخط و ينطر و برة بيته يبقى كيس جوافة , و غير كدة في حاجات كتير بس يمكن الصفات دي هي الأهم .

و يا رب يكون الموضوع عجبكم , مستني تعليقاتكم و آرأكم و أسئلتكم .