بسم الله الرحمن الرحيم
على قد ما التجربة صعبة على اي حد , و على قد ما هي حرمتني من حاجات كتير كانت مهمة جدا بالنسبالي , لكن الحقيقة علمتني حاجات كتير أهم فعلا , و ساعتها عرفت و حسيت واتأكدت ان ربنا سبحانه و تعالى لما بيختبر الإنسان لازم الإنسان يصبر لإن أكيد وراه خير , و ده اللي حصل معايا .
الحكاية بكل بساطة إنه كان يوم زي اي يوم , بلعب كورة مع صحابي و في اللعب رجلي الشمال اتشرخت من عند الكعبين , طبعا اصحابي روحوني البيت , و لما رحت المستشقى و الدكتور كشف عليا قاللي فيها شرخ , و لما سألته هيعد قد ايه قاللي "3 أسابيع" وساعتها "بلمت" لإني مش قادر استوعب ازاي هقضي 21 يوم في الجبس , و ساعتها حسيت ان انا اتحرمت من كل اللي كان نفسي فيه زي لعب الكورة و لمة الصحاب و الدورات الرمضانية , بس بالرغم من كل ده و الاهم ان أنا و الله اتعلمت من التجربة دي حاجات كتير و أخدت منها أكتر ما عي خدت مني , إزاي بقى فدي حكمة ربنا و يمكن دي أهم حاجات اتعلمتها :
* أول حاجة : إن أنا عرفت قد ايه أنا صغير أوي قدام ربنا و ان ربنا قادر إنه يعرفني ان أنا صغير و مهما كبرت هفضل صغير .
* ثاني حاجة : حسيت بالنعمة اللي كان ربنا واهبهالي و أنا مش حاسس بيها , أنا لما كنت أحب اتحرك و أنا متجبس كنت باتنطط على رجل واحدة بس ربنا كان مديني رجل ثانية .
* ثالث حاجة : إن أنا كنت بعمل حاجات كتير غلط و ساعات بعصي ربنا , و بمجرد ما اتخبطت قلت "يا رب" , و هنا كنت شايف ان أنا و كتير نفس حالاتي نعمل ذنوب كتير و أول ما تحصل حاجة نبقى عاملين زي "الفرخة" أو بمعنى أصح زي "اللي ماشي في ظلام و مش عارف يروح فين" و محتاج لحد يهديه و يعرفه الطريق الصح .
* رابع حاجة : إن أنا لما عرفت إن أنا صغير جدا كدة قررت إني أبطل حاجات كتير غلط كنت بعملها .
و بكدة تبقى انتهت الحكاية , و ياريت تدعولي بالشفاء , و يا رب تكونوا استفدتوا من الحكاية , و تعرفوا ان احنا مهما كبرنا صغيرين .
أحمد منسي
على قد ما التجربة صعبة على اي حد , و على قد ما هي حرمتني من حاجات كتير كانت مهمة جدا بالنسبالي , لكن الحقيقة علمتني حاجات كتير أهم فعلا , و ساعتها عرفت و حسيت واتأكدت ان ربنا سبحانه و تعالى لما بيختبر الإنسان لازم الإنسان يصبر لإن أكيد وراه خير , و ده اللي حصل معايا .
الحكاية بكل بساطة إنه كان يوم زي اي يوم , بلعب كورة مع صحابي و في اللعب رجلي الشمال اتشرخت من عند الكعبين , طبعا اصحابي روحوني البيت , و لما رحت المستشقى و الدكتور كشف عليا قاللي فيها شرخ , و لما سألته هيعد قد ايه قاللي "3 أسابيع" وساعتها "بلمت" لإني مش قادر استوعب ازاي هقضي 21 يوم في الجبس , و ساعتها حسيت ان انا اتحرمت من كل اللي كان نفسي فيه زي لعب الكورة و لمة الصحاب و الدورات الرمضانية , بس بالرغم من كل ده و الاهم ان أنا و الله اتعلمت من التجربة دي حاجات كتير و أخدت منها أكتر ما عي خدت مني , إزاي بقى فدي حكمة ربنا و يمكن دي أهم حاجات اتعلمتها :
* أول حاجة : إن أنا عرفت قد ايه أنا صغير أوي قدام ربنا و ان ربنا قادر إنه يعرفني ان أنا صغير و مهما كبرت هفضل صغير .
* ثاني حاجة : حسيت بالنعمة اللي كان ربنا واهبهالي و أنا مش حاسس بيها , أنا لما كنت أحب اتحرك و أنا متجبس كنت باتنطط على رجل واحدة بس ربنا كان مديني رجل ثانية .
* ثالث حاجة : إن أنا كنت بعمل حاجات كتير غلط و ساعات بعصي ربنا , و بمجرد ما اتخبطت قلت "يا رب" , و هنا كنت شايف ان أنا و كتير نفس حالاتي نعمل ذنوب كتير و أول ما تحصل حاجة نبقى عاملين زي "الفرخة" أو بمعنى أصح زي "اللي ماشي في ظلام و مش عارف يروح فين" و محتاج لحد يهديه و يعرفه الطريق الصح .
* رابع حاجة : إن أنا لما عرفت إن أنا صغير جدا كدة قررت إني أبطل حاجات كتير غلط كنت بعملها .
و بكدة تبقى انتهت الحكاية , و ياريت تدعولي بالشفاء , و يا رب تكونوا استفدتوا من الحكاية , و تعرفوا ان احنا مهما كبرنا صغيرين .
أحمد منسي
