بصراحة و من غير مقدمات و بعييد عن اللغة العربية عنوان الموضوع هو سؤال عمري ما سألته لنفسي أنا مين ؟؟!!
أنا مين ؟؟!!
انا "احمد عادل" و شهرتي في كل مكان "منسي" ؛ عشان كدة انا اسمي مشهور إلى حد ما في منطقتي لإنه اسم بعضنا ممكن يكون سمع الاسم ده لأول مرة , بحب الكورة جدا و احب العبها في كل مكان , زملكاوي متعصب زي كل الزملكوية , و ده طبعا من كل اللي بيحصل فينا من تريقة و ضحك من الاهلوية , بس رغم كل دة في حقيقة محدش يعرفها هي ان انا نجمي المفضل و مثلي الأعلى و الاعب المثالي بالنسبة لي هو "محمد محمد محمد أبو تريكة" !!!
باحلم بحلمين مالهمش ثاث
حلم عمري الاول اني اكون لاعب كورة محبوب زي "ابو تريكة" إن شاء الله , بس وقتها إن شاء الله حلمي مش هاقوم منه و انا لسة في الدوري المصري , الحلم الاكبر اللي انا حلمت بيه فعلا و انا عندي 13 سنة إني أكون في ملعب "سان سيرو" في إيطاليا وسط نجوم نادي "A . C . MILAN"الإيطالي , و مائة ألف مشجع بيهتفوا باسم ناديهم و نجومهم اللي مهما حصل هيشجعوهم عشان يبقى احسن فريق في العالم , و احقق لجمهور مصر حلم الوصول لكأس العالم .
اما بانسبة للحلم الثاني اني ادخل كلية الإعلام و اتخرج منها و اشتغل صحفي و ابدا اطلع السلم خطوة خطوة .
ربنا يوفقك يا منسي وتقدر تحقق أحلامك
ردحذفبس انت ما كتبتش كتير عن حلمك التاني زي ما كتبت عن حلمك الأولاني
عموما شد حيلك في الطريقين، واللي تلاقي نفسك فيه أكتر، وتلاقي الفرص فيه متاحة ليك أكتر، انطلق فيه بقوة أكبر
وربنا يعينك
:)
أشكرك يا أسامة على التعليق بس على فكرة الحلم الثاني أنا مكتبتش عنه قد الأولاني فعلا عشان مفيش أكتر من كدة أقدر أكتبه
ردحذف